Oftar en ekki sest ég niður á kvöldin með hundunum og horfi á sjónvarpið. Þar sem jafnræði ríkir á mínu heimili hef ég oft fundið mig knúinn til að horfa á kvikmynd þar sem best vinur mannsins er í lykilhlutverki. Grátur og hlátur eru lykilorð fyrir þessar myndir. Það er hreint ótrúlegt hversu nauðsynlegt það getur verið að stoppa við stundum og dáðst að verkum þessara stjarna, hvernig þær heilla mann með látbragði og gelti sem á einhvern hátt maður telur sig skilja.
Í þessu ljósi langaði mig að skella hér niður smá lista yfir tuttugu fræga kvikmynda hunda og auðvitað læt ég fylgja með upplýsingar um kvikmyndina svo ef þú hefur ekki séð hana, þá er kominn tími til að bæta úr því.

1. Lassie
   
   Ef þú veist ekki hver þessi er, þá áttu nokkuð mikið efni framundan til að kynna þér. Hún var upprunalega persóna í smásögu sem síðar varð að bók skifuð af Eric Knight. Síðar var gerð mynd eftir bókinni og einsog svo oft frá Hollywood kom sjóvarpssería þar á eftir. Þetta varð til þess að koma Rough Collie í huga flestra og allir sem sáu þessa stjörnu á tjaldinu heilluðust frá fyrstu kynnum.
   
   Það var ást og trúfesti við eigandann sinn sem gerði það að verkum að svo margir heilluðust. Í upprunalegu sögunni um Lassie var hún seld vegna fjárhagserfiðleika fjölskyldunnar. Hún síðan flýr frá nýja eigandanum og ferðast langa vegalengd til þess að snúa aftur.
   
   Á hinni frægu „walk of fame“ í Hollywood hefur Lassie sína eigin stjörnu.
   
   
2. Rin Tin Tin
   
   Þetta er önnur stórstjarnan sem hefur sína eigin stjörnu í „walk of fame“. Rin Tin Tin er af German Shepherd kyni og kom frá Frakklandi eftir fyrri heimstyrjöldina.
   
   Fyrsta hlutverkið fékk hann fyrir að tilraun með hreyfanlegar tökuvélar þar sem menn höfðu séð til hans á sýningu þar sem hann gat stokkið hátt upp í loftið. Fyrsta kvikmyndahlutverkið kom síðan í myndinni „Man from Hells River“ sem slóg strax í gegn og gerði Rin Tin Tin að stjörnu. Warner bræður höfðu svo mikið dálæti á honum að hann hafði sinn eigin kokk sem eldað fyrir hann steik sem hann át með tónlist í bakgrunn til að hjálpa meltingunni. Einnig hafði hann um átján staðgengla til að koma í veg fyrir að hann yrði fyrir of miklu álagi á leiklistarferlinum.
   
   Rin Tin Tin dó mánuði áður en hann varð fjórtán ára í örmum nágranna síns þar sem hann náði ekki að komast til eigandans. Hann var jarðaður í Frakklandi þar sem hann var fæddur.
   
   
3. Strongheart
   
   Annar German Shepherd hundur á listanum, fékk sitt fyrsta kvikmynda hlutverk í myndinni „The Silent Call“ frá 1921. Myndin slóg í gegn og Strongheart varð að stórstjörnu. Þrátt fyrir glæstan kvikmyndaferil var hann upprunalega þjálfaður til að vera lögregluhundur. Hann kom af ætt árásarhunda sem voru þjálfaðir til að vera harðir og óttalausir. Það var Laurence Trimble leikstjóri sem kom auga á hann þegar hann var að leita að hundi fyrir kvikmynd. Laurence Trimble þurfti að endurþjálfa Strongheart í nokkra mánuði áður en hann gat losað hann við árásar hneigðina.
   
   Stronghear kom fyrir í fimm öðrum kvikmyndum  og ferðaðist um Bandaríkin til að hitta aðdáendur sína. Tvær bækur hafa verið ritaðar um hann af J. Allen Boone og meira aðsegja var  hundafóður var nefnt eftir honum.
   
   Hann lést af slysi þegar hann rann og datt í ljós hjá kvikmyndaverinu og stuttu síðar lést hann af aukaverkum.
   
   
4. Toto
   
   Hver man ekki eftir kvikmyndinni „The Wizard of Oz“. Toto var litli hundurinn. Hann varð svo vinsæll að á einum tímapunkti var meira talað um hann en aðra í myndinni.
   
   Toto var upprunalega nefndur Terry og var yfirgefinn af eigenda sínum. Það var frægur hundaþjálfari að nafni Carl Spitz sem ættleiddi hann og þjálfaði hann í þá stjörnu sem hann að lokum varð. Fyrir „The Wizard of Oz“ kom hann fyrir í mörgum minni og stærri hlutverkum, en það var Oz sem kom gerði hann að stórstjörnu. Carl Spitz ákvað að breyta nafni hans í Toto til að heiður hlutverkinu í myndinni. Hann hélt áfram að koma fyrir í fjölda annarra mynda en engri jafnstórri, eftir kvikmynda ferilinn var hann gæludýr hjá fjölskyldu Carls Spitz. Toto lést árið 1945 síðar fanst bók um líf hans og ævisaga hans hefur verið gefin út.
   
   
5. Petey
   
   Ljúfur Pit Bull Terrier í kvikmyndinn „The Little Rascals“. Rétt nafn hans er Pal og hann var þjálfaður af Harry Lucenary. Helsta auðkenni hans í myndunum er hringur utan um augað á honum. Þetta átti upprunalega ekki að vera en þegar tökur voru að hefjast gátu starfsmenn ekki þvegið hringinn af honum og því var hann látinn vera. Ef þið horfið á myndirnar þá munuð þið taka eftir því að hringurinn færist á milli vinstri og hægri augans í myndunum. Petey einsog svo margir aðrir stjörnu hundar hafði staðgengla til að forða sér frá of miklu álagi.
   
   
   
6. Skippy
   
   Skippy kom fyrir í mörgum minni hlutverkum í upphafi ferilsins. Fyrsta stóra tækifærið var í myndinni „The Thin Man“ þar sem hann lék Asta. Einsog með svo marga kvikmyndahunda þá var nafninu breytt í Asta til heiðurs hlutverkinu. Kvikmyndaferillinn náði mörgum öðrum stórum hlutverkum áður en hann settist í helgann stein árið 1940.
   
   Þessi Fox Terrier var þjálfaður af þeim bestu á sínum tíma og var bæði þjálfaður í radd og hand skipunum. Þetta gerði honum kleift að koma fram í hljóðmyndum þess tíma þar sem tökustaðir voru mjög viðkvæmir fyrir utanaðkomandi hljóðum.
   
   
7. Benji
   
   Rétt nefndur Higgins. Af mörgum talinn vera besti leikarahundurinn í sögunni. Hann var svo vel þjálfaður og vissulega gáfaður að hann gat lært nýja hluti á mjög skömmum tíma. Hann var einnig einn af fáum leikarahundum sem ekki þjáðust af nokkru sem margir nefna þjálfara augum, þar sem hundarnir eru oft að líta út undan sviðunum til þjálfaranna við tökur. Þessi eiginleiki hjálpaði honum að verða að stórstjörnu og þá má sérstaklega nefna myndina „Benji“.
   
   Í „Benji“ leikur hann einmana hunda sem þarf að komast af með því að verða vinur sem flestra manna. Hann kemur svo vel fyrir í myndinni og nær að grípa áhorfendurna inn í myndina með svipbrygðum og leikbrygðum.
   
   Benji var það mikil stórstjarna að Oprah hefur nefnt hann sem sína uppáhalds dýraleikara.
   
   
8. Old Yeller
   
   „Old Yeller“ var stærsta hlutverk Spikes. Fólk sem hefur séð myndina muna eftir sorglegum endanum. Myndin sýndi hvernig ómennskir leikarar, með réttri þjálfun og hlutverki , geta gripið tilfinningar áhorfendanna. Af mörgum talin vera sorglegasta og frægasta kvikmynd síns tíma og er enn þann dag í dag vinsæl.
   
   Aðalstjarnan Spike var í raun björgunarhundur áður en hann snérist í kvikmyndaiðnaðinn. Hann var blanda af Labrador Retriever og Mastiff. Upprunalega var honum hafnað fyrir hlutverkið þar sem mönnum fanst hann vera of gæfur. Þjálfarinni hans Frank Weatherwas þurfti að þjálfa hann í nokkrar vikur til að hann yrði aðeins meira ógvekjandi útlits.
   
   
9. Turner & Hooch
   
   Dogue de Bordeaux er ekki svo vinsælt kyn en Beasely sem lék Hooch í myndinni „Turner & Hooch“ er mjög vinsæll. Þegar eigendur Hooch voru drepnir var enginn annar sem var vitni að því en Hann. Tom Hanks leikur á móti Beasley lögreglumann sem ættleiðir hann þar sem hann gerir sér grein fyrir mikilvægi Hooch í málinu. Hooch er minnistæðastur úr myndinni fyrir það að bjarga lífi Tom Hanks þegar hann stekkur fyrir byssukúlu.
   
   Í myndinni deyr Hooch af völdum byssukúlunnar og atriðið þar sem lífið hans rennur fyrir augum hans á borði dýralæknisins skilur fá augu eftir þurr. Þjálfir Beasley var Clint Rowe.
   
   
   
   
   
   
10. Beethoven
    
    Hver man ekki eftir þessum risastóra slefandi hjartaknúsara. Þessi fallegi St. Bernard hundur heitir réttu nafni Chris. Chris lék í fyrstu tveimur myndunum í seríunni og er sá eftirminnilegasti. Annar hundur kom í hans stað eftir að hann dó. Fyrsta myndin slóg í gegn og í framhaldinu urðu St. Bernard hundar mjög vinsælir. Chris er enn þann dag í hópi vinsælustu hunda hetjum hvítatjaldsins hjá áhorfendum.
    
    
    
    
    
    
11. Eddie úr Frasier
    
    Eddie var leikinn af Moose fyrstu átta árin. Moose var mjög erfiður terrier og margir álitu hann vera óþjálfanlegan. Þetta breyttist þegar hann var tekinn af fyrirtæki sem sérhæfir sig í því að þjálfa dýr fyrir kvikmyndi.
    
    Ef þú þekkir ekki þessa sjónvarpsþætti þá eru þeir um sálfræðinginn Frasier sem býr ásamt föður sínum fyrrverandi lögreglumanninum Martin. Eddie er hundurinn hans Martins. Eddie varð fljótt mjög vinsæll meðal áhorfenda og á tíma fékk hann meiri aðdáenda póst en hinir leikararnir. Eftir átta ár í hlutverki Eddies var kominn tími fyrir Moose að setjast í helgan stein og fenginn var nýr hundur í hans stað, ekki þurfti að leita langt og Enzo sonur Moose var fenginn til að leysa föður sinn af.
    
    
12. Buck úr Married with Children
    
    Önnur sjónvarpsþátta stjarna. Married with Children voru vinsælir sjónvarpsþættir á árunum 1987 – 1997. Buck var fjölskylduhundur af Briard Sheep tegund leikinn af Mike. Í tíu ár var Buck leikinn af Mike þar til hann var látinn deyja í þáttunum. Annar hundur var fenginn í þáttina af Cocker Spaniel tegund og átti hann að vera Buck endurfæddur. Mike var svo vinsæll á tökustað þáttana að í lokaþættinum sem hann kom fram í eru sérstök þakkar skilaboð frá framleiðendum til hans.
    
    
    
    
    
    
    
    
    
13. Wishbone
    
    Wishbone voru í sjónvarpsþættir á árunum 1995 – 1998 um hundinn Wishbone sem var leikinn af Jack Russel Terrier sem hét réttu nafni Soccer. Þó að þættirnir hafi einungis verið framleiddir í þrjú ár þá hafa þeir verið endursýndir víða um heim trek í trek. Þættirnir eru um mjög gáfaðann hund með ótrúlegt ímyndunarafl.
    
    
    
    
    
    
14. Chance og Shadow
    
    Þessir slógu rækilega í gegn í kvikmyndinni Homeward Bound. Myndin er um þessa tvo félaga og kattar vin sem halda að þau hafi verið yfirgefin af eigendum sínum, svo þau ákveða að leggja land undirfót til að finna eigendurnar sína aftur. Hundarnir tveir voru leiknir af Rattler og Ben. Rattler af American Bulldog tegund lék nafni Chance og Ben af Golden Retriever tegund lék Shadow.
    
    
    
    
15. Buddy
    
    Buddy var stjarnan í myndinn Air Bud frá 1997. Buddy var leikinn af hundinum Buddy af Golden Retriever tegund sem upprunalega kom fram sem sýningahundur í David Letterman þáttunum. Buddy sló rækilega í gegn í myndinni og hann varð að stórstjörnu, fékk meira að segja Óskarsverðlaun fyrir hlutverkið. Því miður naut hann frægðarinnar í stutta stund þar sem hann greindist með krabbamein og undirgekkst aðgerð sem tókst ekki sem skyldi og hann lést stuttu síðar. Aðrar Air Bud myndir hafa verið framleiddar en þá hafa aðrir Golden Retriever hundar leikið Buddy.
    
    
16. Frank úr Men in Black
    
    Hver man ekki eftir þessum litla Pug hundi úr Men in Black. Frank var leikinn af Mushu. Frank er geimvera sem hefur tekið sér form lítils hunds af Pug tegund. Hann er upplóstrjari fyrir Men in Black og hefur mjög skemmtilegt viðmót í myndunum.
    
    
    
    
    
    
    
    
17. Milo
    
    Milo eru hundurinn í The Mask. Milo var leikinn af Max. Í myndinni er hann mjög rólegur hundur einsog eigandinn sinn Stanley Ipkiss þar til hann kemst yfir grímuna sem á Loki á að hafa átt.
    
    
    
    
    
    
    
    
    
    
18. Bullseye úr Óliver Twist
    
    Endurgerð Roman Polanski frá 2005 af þessari klassísku Dickens sögu. Bullsey var leikinn af Turbo sem er af Bull Mastiff tegund. Polanski ákvað að krydda aðeins upp á hlutverk hundsins í sögunni og í myndinni er hann látinn vera ógnvekjandi einsog hann á að vera samkvæmt sögunni en þegar líður að lokum myndarinnar ættu flestir að vera farnir að horfa á hundinn öðrum augum.
    
    
    
19. Fang úr Harry Potter
    
    í bókunum er Fang af Boarhound tegund en í myndinni er það Neapolitan Mastiff hundur sem leikur hann. Í fyrstu þremur myndunum var það Hugo sem kom fram sem Fang, í myndinni „The order of the Phoenix“ er það Monkey sem leikur hann og síðan var það Uno í myndinni „The Half-Blood Prince“
    
    
    
    
20. Hachiko
    
    Ef þú hefur ekki séð þessa þá verðuru að bæta úr því sem fyrst. Myndin „Hachi: A Dog´s Story“ kom út árið 2009 með Richard Gere í aðalhlutverki. Myndin er byggð á sannri sögu um háskólaprófesor sem tók að sér hund árið 1924. Á hverjum degi fó prófessorinn til vinnu í háskólanum í Tokyo og Hatchiko fylgdi honum að lestarstöðinni, þegar prófessorinn kom síðan heim eftir vinnu tók Hatchiko á móti honum á stöðinni. Þó þeir hafi átt stuttan tíma saman þá myndaðist sterkt samband á milli þeirra, árið 1925 dó eigandi Hachiko. Eftir að eigandinn dó fór Hatchiko að lestarstöðinni á hverjum degi til að bíða komu hans. Þetta gekk í níu ár þar til Hachiko dó. Hachiko varð vel þekktur hjá þeim sem ferðuðust í gegnum lestarstöðina og hjá þeim sem störfuðu þar í kring, hann birtist alltaf á nákvæmlega þeim tíma sem lestinn kom og beið.
    Hachiko dó 8. Mars 1935 áður en hann dó hafði hann orðið það frægur og vel þekktur að það var reist stytta honum til heiðurs við lestarstöðina í apríl 1934, hann var viðstaddur þegar hún var sett upp. Styttan var fjarlægð í síðar heimstyrjöldinni, árið 1948 var gerð endurgerð af styttunni af syni listamansins sem gerði upprunalegu styttuna og hún var sett á sama stað og sú fyrri hafði verið. Sú stytta stendur enn við lestarstöðina Shibuya.
    í myndinni frá 2009 voru þrír hundar fengnir til að leika Hatchiko, til að spanna alla ævi hans. Það voru Chico, Lyla og Forest allir af Akita tegund einsog Hatchiko sjálfur.